Skjótt er klárt til kappingarárið 2025/2026

Góðu foreldur og leikarir

Vónandi hava tit øll havt eina góða summarferiu. Nú fer kappingarárið 2025/2026 í gongd og eru vit øll spent at byrja aftur.

Tað eru nakrar broytingar framdar í hallunum í feriuni. KÍ høllin hevur fingið nýtt gólv og koma nýggir beinkir eisini og allur harpiks hondbóltur skal í KÍ høllina. Við hesi broyting, skulu nógvar roteringar í venjingarskemanum hjá feløgunum og nærkast vit at koma á mál.

Meir kunning um venjingartiðir og limagjald v.m kemur seinni.

Heimadystir hjá Burn og D14 og eldri vera spældir í KÍ høllini og væntandi tey yngru eisini. Tað skulu eisini nógv praktisk viðurskiftir koma uppá pláss í KÍ høllini og væntandi verður alt virksemi hjá felagnum flutt í KÍ høllini skjótt.

Vit hava fingið Panos sum høvuðsvenjara til felagið. Hann er úr Grikkalandi. Hann kemur at hava ábyrgd av øllum í felagnum og gleðir hann seg at koma í gongd.

Vit lýsa á okkara Facebook síðu, á heimasíðuni hjá Team Klaksvík og á Holdsport, tá hvør árgangur byrjar og við venjingartíðum.

Øll sum hava brúkara í Holdsport, eru flutt upp til sín árgang. Foreldur fylgja automatisk við. Um onkur er yvirsæddur, so boða tit Helenu Kallsberg frá, so rættar hon tað . Hon hevur ábyrgd av Holdsport.

Vit gleða okkum at síggja allar leikarar aftur og at fylla høllina við spentum hondbóltsdreingjum.

Vh Nevndin